Kuvendi miratoi Llogarinë përfundimtare

Sipas shumicës parlamentare, Llogaria përfundimtare është pasqyra më e mirë për planifikimin dhe zbatimin e politikave ekonomike.

 

“Thënë në gjuhën e popullit, Llogaria përfundimtare për vitin 2015 është si pasqyra e gjakut të një sporti me norma olimpike”,- deklaroi deputeti i VMRO-DPMNE-së, Kërsto Mukovski.

 

Mirëpo LSDM, e cila e bojkoton punën e Kuvendit, nuk e mbështeti llogarinë përfundimtare për vitin 2015. Sipas deputetit të LSDM-së, Hari Lokvenec, kjo llogari është një dëshmi tjetër për planifikimin dhe realizimin e keq të politikave fiskale dhe ekonomike të pushtetit.

 

“Edhe me këtë buxhet, njësoj si me të gjitha buxhetet e tjera nga 2008 e këtej, qeveria i ngarkoi me borxh qytetarët dhe ekonominë për 320 milionë euro të tjera”,- tha Hari Llokvenec nga LSDM.

 

Sipas Lokvenec, borxhi publik është shtuar për afër 2 miliardë euro.

 

Në ndërkohë, partia në pushtet ftoi opozitën që t’i kthehet punës së kuvendit në debatin e nesërm, në Komision për propozimin e rebalancit të buxhetit. Kërsto Mukovski tha se pavarësisht shkurtimeve për investime kapitale, ka më shumë para sesa vitin e kaluar. 

 

“Shuma e investimeve zvogëlohet për 3 miliardë denarë, por në shuma absolute të vitit 2015, kemi rritje për 3 miliardë e 898 milionë denarë”,- deklaroi Kërsto Mukovski nga VMRO-DPMNE, duke mohuar edhe informacionet për thellimin e vrimës buxhetore në Fondin për sigurim pensionial.