Doganierët bullgarë i konfiskuan 200 kilogramë heroinë

Doganierët bullgarë në vendkalimin "Lesovë" në kufirin midis Bullgarisë dhe Turqisë, kanë konfiskuar rreth 200 kilogramë heroinë, vlera e së cilës është shitur rreth nëntë milionë euro, njofton BTA.

 

Sipas zëdhënësit të Prokurorisë publike bullgare, Rumjana Arnaudova, kjo tani është sasia më e madhe e heroinit të konfiskuar në Bullgari nga pranimi i vendit në BE në janar të vitit 2007.

 

Droga është fshehur në kuti me konserva me pure domateje, të cilat kanë qenë në kamionin me targa iraniane, i cili në Bullgari ka hyrë nga territori i Turqisë.

 

"Mallrat iraniane dhe mjetet transportuese janë në kategorinë e rrezikshme, prandaj është bërë kontroll i rentgenit, me ç'rast (në kutitë) është zbuluar përmbajtje me dendësi të ndryshme", deklaroi Arnaudova, duke shtuar se heroina e konfiskuar është me mbi 58 për qind të koncentrimit të substancave aktive.

 

Drejtuesi i kamionit, i cili është shtetas iranian është arrestuar dhe i është caktuar masë arresti në kohëzgjatje prej 72 orëve./mia