Mërgimtarët mirëpresin zgjatjen e orarit të punës nga SPB – Tetovë

Banorët e Tetovës, me theks të veçantë mërgimtarët, kanë mirëpritur hapin e sektorit të punëve të brendshme të Tetovës, që me rastin e ardhjes së tyre, ata të zgjasin orarin e tyre të punës deri në orën 19 e 30.

 

Mërgimtarët shprehen mirënjohës për këtë gjest, ndërkohë që shprehen se, kjo është dashur të bëhet shumë më herrët.

 

 

 

“Mirë është më siguri për popullin ka më mirë është , ç’far do që të ndodhë ata janë aty, vi nga Orasha, dhe jetojë në Norvegji”, Thanë banorët.

 

Këtë njoftim, javë më parë e bëri në SPB-në e Tetovës, vetë zëvendësministri i punëve të brendshme, zotëri Agim Nuhiu, i cili, mes tjerash deklaroi se, mërgimtarët meritojnë vëmendje të veçantë.

 

“Jam sot këtu për të dhënë mbështetjen time drejtpërdrejt për shërbimet e policisë të cilët do të jenë të angazhuar për këtë periudhë sa mërgimtarët do të jenë në shtëpitë e tyre që të mund ti nxjerrin letërnjoftimet dhe pasaportat edhe në dy turne. Shërbimet tona do të punojnë me dy turne duku filluar prej orës 8:30 deri ora 19:30”, tha Agim Nuhiu, Zv. ministri i punëve të brendshme.

 

Përndryshe, vite me radhë po përsëritet saga e pengesave gjatë marrjes së dokumenteve nga ana e mërgimtarëve në sektorin e punëve të brendshme, kjo, shkaku i orarit të tyre të shkurtër dhe fluksit të madh të mërgimtarëve që kërkojnë të pajisen me dokumente.

 

Mbetet të shohim, nëse reforma e fundit në këtë sektor, do të japë apo jo rezultatet e pritura.