Siri, militantët e ISIS rrëzojnë helikopterin Rus

Autoritetet ruse thanë se dy pilotë rusë janë vrarë në afërsi të qytetit Palmira në Siri, kur helikopteri i tyre u godit, duke shtuar numrin e ushtarëve rusë të vrarë në konfliktin e Sirisë në të paktën 12 veta. 

 

Ministria ruse e mbrojtjes në një kumtesë të saj tha se persona të armatosur të grupit ekstremist Shteti Islamik e rrëzuan helikopterin sirian, të cilin pilotët ushtarakë e morën për testim më 8 korrik.

 

Helikopteri u godit me breshëri nga militantët e IS- it pasi pilotët “përdorën gjithë municionin e tyre dhe po ktheheshin prapa”, tha ministria.

 

Grupi monitorues SITE, tha se organizata ekstremiste mori përgjegjësinë për rrëzimin e helikopterit.