Lëndohet një person në aksident në Autokomandë të Shkupit

Një person është lënduar në fatkeqësi të komunikacionit që ndodhi në mëngjes në lagjen Autokomandë në Shkup, kur automjeti i tipit "pezho 206" ka dalë nga rruga në mbikalimin në udhëkryqin "Diamant".

 

Siç konfirmuan për MIA-n nga policia, në SPB-në-Shkup në mëngjes rreth orës 07:30 është denoncuar se automjeti "pezho" ka dalë nga rruga në udhëkryqin "Diamant" dhe ka ra në pjesën e bulevardit "Aleksandar Makedonski". Në automjet ishte vetëm një person, mashkull, i cili me automjetin e Ndihmës së shpejtë mjekësore është dërguar në Qendrën urgjente "Nëna Terezë".

 

Në vijim është ekspertiza në vendin e aksidentit./mia