Deklarata - Assad: Rusia nuk më ka kërkuar asnjëherë të jap dorëheqjen

Ai shtoi se ky skenar nuk ka qënë asnjeherë temë diskutimi në bisedimet mes palëve. Deklarata e Assad vjen vetëm pak orë përpara vizitës zyrtare të Sekretarit amerikan, John Kerry në Moskë, i cili do të diskutojë pikërisht konfliktin në Siri me homologun rus, Lavorv.

 

Presidenti i Sirisë, Bashar al-Assad, ka deklaruar se Rusia nuk i ka kërkuar asnjëherë që të largohet nga pushteti.

 

Në një prononcim për NBC neës, Assad theksoi se ky opsion nuk ka qënë asnjëherë temë diskutimi mes palëve si dhe në bisedimet e tij të drejtpërdrejta me homologun rus, Vladimir Putin.

 

Ai shtoi se për të ardhmen e tij në arenën politike siriane mund të vendosin vetëm qytetarët e vendit të tij.

 

Shtetet e Bashkuara dhe vendet perëndimore kanë hedhur akuza të shumta në drejtim të Assad, duke thënë se ky i fundit i ka trajtuar në mënyrë ç’njerëzore personat që kundërshtojnë qeverinë e tij.

 

Prej disa vitesh vendi ka qënë tejet i destabilizuar, ndikuar nga konfliktet e shutma të armatosura. Kjo gjë ka shtyrë edhe miliona njerëz që të largohen nga shtëpitë.

 

Deklarata e Assad vjen vetëm pak orë përpara vizitës zyrtare të Sekretarit amerikan të Shtetit, John Kerry në Moskë. Shefi i diplomacisë së VVashingtonit do të diskutojë me homologun Sergei Lavrov, pikërisht në lidhje me konfliktin e Sirisë.

 

Assad është pyetur edhe në lidhje me mundësinë e arritjes së një marrëveshjeje mes Shteteve të Bashkuara dhe Rusisë, për t’a detyruar këtë të fundit që të largohet.

 

Megjithatë, Presidenti sirain është shprehur se nuk i druhet një skenari të tillë, pasi sipas tij, politika ruse nuk ka të bëjë me marrëveshjet por bazohet në vlera./Oranews