Tentativa për grusht shtet pa sukses

Nga grushti i shtetit i zhvilluar mbrëmjen e shkuar, 2.800 persona në radhët e ushtrisë janë arrestuar dhe arrestime të tjera priten anë e mbanë Turqisë.

Autoritetet turke madje kanë kërkuar edhe nga pala greke përgjegjësi për aterimin e një helikopteri ushtarak turk në  shtetin Helen, me crast ekuipazhi prej 7 ushtarëve kërkuan azil politik.

Ekuipazhi  supozohet të ketë qenë  pjesë e fraksionit të ushtrisë turke që synoi rrëzimin me grusht shteti të presidentit Recep Tayyip Erdogan.

Ministria e Mbrojtjes e Greqisë ka konfirmuar  se shtatë ushtarakë dhe një civil kanë ateruar me një heklikoper Balckhawk në Alexandroupoli dhe kanë kërkuar azil.

Ministri i Jashtëm i Turqisë, Mevlut Çavushoglu ka kërkuar që ata të deportohen në Turqi. Pas dorëzimit  të  ushtarëve  filloi dhe vënia graduale nën kontrollë e gjendjes së sigurisë.

Qevria turke thotë se e ka nën kontroll gjithë situatën. Pas grusht shtetit, menjëherë fuqitë e mëdha botërore u rradhitën pas politikve të qeverisë turke,  duke filluar nga SHBA-te, Evropa, Rusia, dhe Rajoni i Ballkanit. 

Të gjithë liderët botërorë e vlerësuar aktin e grusht shtetit si të pa pranueshëm ndaj një qeverie e zgjedhur në mënyrë legjitime dhe demokratike, e dale nga vota e popullit.

Kostoja për ta paguar ishte shumë e madhe, qindra njerëz të vrarë,  dhe mijëra të plagosur,shumica popullate civile. Grushti i shtetit  la pas 265 persona të vdekur, shumica prej të cilëve në radhët e civilëve.  Presidenti turk tha se ata që e bënë këtë, do ta paguajnë shumë shtrenjtë.