Minoski: Interesi i madh për euro-obligacionin konfirmim për besimin në politikat ekonomike

Maqedonia mbetet mes dhjetë vendeve me më pak borxhe në Evropë edhe kur të kalkulohet euro-obligaconi, Buxheti është në kondicion të mirë, ndërsa me ribalancin i cili është në procedurë kuvendore këmbëngulet të mbahet komponenta zhvillimore dhe të mos shkurtohet asnjë projekt i kapitalit, thotë ministri i Financave Kiril Minoski.

Sipas tij, zgjidhja e krizës politike  është nga vlera e rëndësishme që vendi të kthehet në shtegun e zhvillimit ekonomik, për investimet e huaja dhe vendore, si dhe për hapjen e vendeve të reja të punës, ndërsa me atë edhe përmirësimin e standartit jetësor të qytetarëve.

Ashtu siç thekson Minoski në intervistë për Telegraf.mk, tërë procedura për dhënien e euro-obligacionit ishte në pajtim me ligjet, ndërsa interesi i madh për të në tregun ndërkombëtar tregon se investitorët kanë besim në politikat qeveritare ekonomike.

Procedura ishte harmonizuar me Ministrinë e Drejtësisë dhe me përfaqësuesit juridik të konzorciumit nga bankat me renome botërore përmes të cilave është dhënë euro-obligacioni, pohoi Minoski dhe njëherit nënvizon se është e pabazë thirrja e Ligjit për qeveri nga ana e zëvendësministrit plotësues sepse ai para disa muajsh me vetiniciativë dha dorëheqje.

Mjetet e euro-obligacionit, thotë do të shfrytëzohen për nevoja të buxhetit në vitin 2016 dhe 2017, si dhe për pagesë të detyrimeve të papaguara.

Minoski i hodhi poshtë si spekulime dhe absolutisht të pabaza akuzat e opozitës se mjetet e euro-obligacionit nuk janë destinuar për dy vjet sepse në ribalancin  në normën e depozitave nuk janë vënë ato mjete.

Sipas tij, borxhi publik i shtetit me euro-obligacionin e dhënë do të jetë nën 50 për qind, që është nën Kriterin e mastrihtit prej 60 për qind të BPV-së.

Ministri informon se këtë vit paguajnë obligime në vlerë prej rreth 180 milionë euro, të cilat do të paguhen me një pjesë të euro-obligacionit, që do të ndikojë në zvogëlimin e borxhit shtetëror, ndërsa njejtë është zvogëluar edhe huamarrja e brendshme.

Edhe njëherë potencon se edhe krahas ribalancit të Buxhetit, investimet e kapitalit janë në nivel më të lartë historik.

“Sipas situatës politike i zvogëluam projeksionet për rritje të ekonomisë prej 4 në 2,3 për qind. Pres ky projeksion të realizohet. Lëvizje pozitive kemi  në raport të zvogëlimit të shkallës së papunësisë e cila është në nivel më të lartë historik nga 24,5 për qind dhe në vazhdimësi zvogëlohet”, thekson ministri i Financave Kiril Minoski në intervistë për Telegraf.mk.