Moti i keq kaplon rajon e Ballkanit

Në kryeqytetin shqiptar, në Tiranë, në disa rrugë janë rrëzuar pemë, të cilat kanë sjellë edhe bllokimin e rrugëve dhe radhë të gjata të transportit publik.

 

Nga erërat e forta është prishur çatia e një pallati në rrugën Kadillari në kryeqytet. Copat e çatisë kanë rënë në shtëpitë e të tjerëve rreth e rrotull. Nuk ka të dëmtuar. 

 

Moti i keq ka shkaktuar vërshime edhe në Kosovë, me ç’rast nga era e fuqishme janë rrëzuar disa shtylla elektrike dhe kanë dalë pemë nga toka.

 

Nga shirat e rrëmbyeshëm dhe era e fuqishme, e cila ka shkaktuar edhe rrufe në Serbi, kanë humbur jetën dy persona.