LSDM: 15 të infektuar në Klinikën e syve në Shkup

Në Klinikën për sëmundje të syve në Shkup, 15 pacientë të operuar përballen me një infeksion serioz në sy, deklarojnë nga Komisioni për shëndetësi i LSDM-së.

Goce Çakarovski, nga LSDM-së, duke kërkuar përgjegjësi për këtë rast, theksoi se informacionet që posedon flasin se skandali i rëndë ka ndodhur për shkak të përdorimit të produktit të ndotur Avastin, e produktit të kontaminuar për sytë, me të cilin janë trajtuar pacientët e operuar.

“Nëse arsyeja për ndërprerjen e operacioneve në Klinikën e oftalmologjisë është infektimi që kanë marrë 15 pacientët pas operacionit? Nesër edhe çfarë pasojash do të kenë njerëzit të cilët janë të infektuar në sytë e operuar? Këmbëngulim në përgjigje, çfarë është shkaku i infeksionit? A janë shkak i infeksionit kushtet joadekuate spitalore për punë, apo diçka tjetër? Informacionet që kemi tregojnë skandal të rëndë me përdorimin e produktit të ndotur për sytë, me të cilin janë trajtuar pacientët e operuar. A është produkti i përdorur Avastin shkaku i infeksionit të rëndë?”,- deklaroi Goce Çakarovski nga LSDM.

Njëherit, nga LSDM pyesin ministrin e Arsimit dhe kompetentët shëndetësorë nëse janë ndërprerë operacionet në Klinikën për sëmundje të syve në Qendrën Klinike në Shkup dhe nëse po a është siguruar zgjidhje alternative. (Rejhan Bushi-Metaj, TVM2)