Policia turke bastis Këshillin Shkencor, shumë të arrestuar

 

Agjencia e lajmeve Reuters tha se arrestimet e së mërkurës ishin pjesë e hetimeve ndaj ithtarëve të klerikut mysliman Fetullah Gulen, të cilin qeveria e akuzon se qëndron pas grushtit të shtetit. Gulen i mohon akuzat dhe e ka dënuar grushtin e shtetit.

 

Shumë njerëz janë arrestuar gjatë bastisjes së Këshillit Teknologjik për Kërkimet Shkencore të Turqisë, (TUBITAK) pa specifikuar numrin e tyre.

 

Duke folur përpara drejtorisë së çështjeve fetare, Presidenti Recep Tayyip Erdogan tha se pastrimet do të vazhdojnë.

 

“Kushdo që akoma simpatizon Gulen është përgjegjës për fatin e tyre tani,” tha ai.

 

Bastisja TUBITAK vjen një ditë pasi policia bastisi qendra kryesore ushtarake mjekësore në Ankara, duke arrestuar mjekët dhe personelin tjetër mjekësor./Ora News