Debat për demarkacionin me Malin e Zi, pushteti pro opozita kundër

Në tryezën e sotme shkencore kushtuar demarkacionit me Malin e Zi Presidenti i Kosovës, Hashim Thaçi dhe kryeminsitri Isa Mustafa mbështetën marrveshjen duke theksuar se Kosova nuk ka humbur pjesë nga teritori I sajë siç pretendon opozita.

 

Presidenti Thaçi duke I dhënë mbështetje komisionit shtetërorë tha se sot "nuk është në pyetje vetëm marrëveshja, por edhe aftësia shtetërore e Kosovës. Aftësia për të arritur marrëveshje ndërkombëtare, për të funksionuar si shtet dhe si anëtar i barabartë”, tha presidenti Thaçi, duke nënvizuar se "Kosova nuk ka humbur asnjë metër katror të territorit të vet."

 

 

 

Nga ana tjetër Ambasadori i Shteteve të Bashkuara të Amerikës në Kosovë, Greg Delavie,duke apeluar për ratifikimin e demarkacionit theksoi se mos ratifikimi i marrveshjes, mund të ketë pasoja edhe në ekonomi. Sipas tij, SHBA-të janë të interesuara në suksesin dhe jo dështimin e Kosovës.

 

Sipas ambasadorit amerikan, kufijtë të dal nga Komisioni janë të njëjtë me pakon e Ahtisarit, të kushtetutës dhe të flamurit. 

 

“E theksoj se puna e komisionit është e njëjtë sikundër ajo e përgatitur nga Kosova në Eurogeografiks më 2007, në përgatitjet për pavarësi. Të njëjtat siç janë përdorur në planin Ahtisaari, që është bazë e pavarësisë së Kosovës. Të njëjtat që përshkruhen në Kushtetutën e Kosovës, të njëjtat që shihen në flamurin e Kosovës, që Kuvendi e miratoi më 2008”, tha Greg Delawie, ambasador i SHBA-ve ne Kosovë. 

 

Por ambasadori Delawie tha se SHBA do t’i qëndrojë përkrah Kosovës, edhe nëse nuk ratifikohet demarkacioni.