Spasov: Dëmshpërblim avans për të dëmtuarit

Familjet që janë dëmtuar më së shumti nga rrebeshi që përmbyti disa rajone të Shkupit do të marrin një pjesë të dëmshpërblimit avans.

Ministri i punës dhe politikës sociale, Dime Spasov, gjatë raportimit para kreut të VMRO DPMNE-së, tha se Qeveria në seancën e një dite më parë ka kërkuar propozim konkret nga Ministria e financave për të dëmshpërblyer banorët e lagjeve të përmbytura me avans.

“U konstatua që në dy ditët e ardhëshme të bëhet plan dhe të shqyrtohen mundësitë si dhe të shihet se sa mjete janë të nevojshme për më të dëmtuarit dhe Ministria e financave të jep propozim. Presim të përgatitet propozim konkret për dëmshpërblim me avans.”  - tha ministri i punës dhe politikës sociale, Dime Spasov.

Ndërkaq, presidenti Gjorge Ivanov u bëri thirje qytetarëve për solidarizim dhe të ndihmojnë njëri tjetrin pa dallim të përkatësisë etnike, fetare apo politike. 

“Është thirrje për të ndihmuar njëri - tjetrin, të fitojmë vëlla dashurinë, dashuri për të varfërit, mikpritje, vetëpërmbajtje dhe të tejkalohemi në vepra të mira.” – deklaroi presidenti, Gjorge Ivanov.

Kreu i LSDM-së, nga ana tjetër, i shoqëruar nga simpatizues dhe vullnetarë vazhduan ndihmën në terren.

"Pastrohen shtëpitë dhe oborret e banorëve, pompohet uji i mbledhur, ndahet uji i pijshëm, ushqim i konservuar dhe mjete higjienike. Banorët ankohen për reagimet e ngadalshme të institucioneve kompetente ", qëndron në kumtesën e LSDM-së. (Shpëtim Nuredini, TVM2)