Kongresmenët: Maqedonia të bëhet anëtare e NATO-S

12 kongresmen amerikan kanë dërguar rezolutë të re në Komitetin për Punë të Jashtme në kongres të cilët kërkojnë pranimin e Maqedonisë në NATO, në samitin e shtatorit në Kardif.

 

I bëjmë thirrje administratës së Departamentit të Shtetit që të punojë me Greqinë dhe aleatët e NATO-s dhe të gjejnë zgjidhje për kontestin bilateral, zgjidhja e së cilës njëherit do të shërbente si faktor kryesor i stabilitetit rajonal, thuhet në rezolutën e 12 kongresmenëve amerikan, të udhëhequr nga kongresmeni Kendis Miler.

 

Edhe ish-sekretari i përgjithshëm i NATO-s, Xhorxh Robertosn, ka thënë se Maqedonia meriton të jetë anëtare fuqiplote e NATO-s.

 

“Disa herë kam thënë shumë qartë se Maqedonia është e kualifikuar që të jetë anëtare e NATO-s dhe se duhet t’i bëhet ftesë. Shpresojmë se do të sundojë logjika e shëndoshë dhe çështja e emrit do të zgjidhet”, tha ish-sekretari i përgjithshëm i NATO-s, Xhorxh Robertson.

 

Zgjerimi i NATO-s duhet të vazhdojë dhe të gjitha vendet që i kanë plotësuar kushtet duhet të integrohen në paktin verialtantik, ka thënë ish-sekretari i përgjithshëm i NATO-s,  Xhorxh Robertson. (Nermin Mulaki-Fejzullahu, TVM2)