"Hakmarrja" - Turqia dërgon tanket në Siri kundër Isis dhe kurdëve

Turqia ndërmerr një ndërhyrje ushtarake në Siri duke dërguar tanke dhe avionë luftarakë përgjatë kufirit në koordinim me luftëtarët e opozitës siriane, të cilët në orët e para të mëngjesit kanë marrë një fshat që kontrollohej nga Shteti Islamik.

 

Operacioni i quajtur “Mburoja e Eufratit” ka për qëllim largimin e Isis nga Jarablus, pika e fundit e fortesës së tij në kufi dhe frenimin e militantëve kurdë në veri të Sirisë.

 

Tanket turke janë vendosur në kufi me Sirinë gjithashtu dhe artilieria dhe avionët luftarakë në kuadër të operacionit që mbështetet dhe nga koalicioni i udhëhequr nga SHBA.

 

Ndërhyrja ushtarake do të hapë korridoret për luftëtarët e opozitës siriane të mbështetur nga Turqia.

 

Rebelët sirianë luftuan me luftëtarët e Isis të cilët kanë marrë Kaklijah, bëjnë të ditur burimet ushtarake turke por nuk ka më shumë informacion.