Kompani ndërtimi nga Dubai e interesuar për mundësitë investuese të Maqedonisë

DAMAC, një nga kompanitë më të mëdha ndërtimore në Dubai, është e interesuar për mundësitë investuese të Maqedonisë. Përfaqësues të kompanisë, siç paralajmëroi pronari i saj Husein Sajvani në takim me ministrin për Tërheqje të Investimeve të Huaja, Xheri Naumof, do ta vizitojë Maqedoninë në shtator të këtij viti.

Projekti më i ri i DAMAC është bashkëpunim me multimiliarderin Donald Tramp në ndërtim të super kompleksit luksoz prej vilave në një pjesë prestigjioze të Dubait.

Takimi me Sajvanin u mbajt në margjinat e Samitit investues në Dubai në kuadër të darkës formale punuese kur delegacioni i Maqedonisë u takua edhe me pronarin e kompanisë UAE, e cila merret me ndërtimin e shoping qendrave komerciale, ndërtesave rezidente, hoteleve dhe komplekseve nga vila individuale, lagje të tëra në Emirate dhe në mbarë botën.

Ministri Naumof i shoqëruar nga ambasadori Toni Atanasovski sot realizoi edhe takime zyrtare me delegacionet e larta të Malajzisë, Indonezisë, Dubait dhe Mbretërisë së Bruneit.

Delegacioni edhe zyrtarisht është pritur nga organizatori i Samitit, ministri i Ekonomisë i Emirateve të Bashkuara Arabe, Sulltan Al Masuri. Është biseduar për mundësitë për bashkëpunim dhe vizitë të nivelit më të lartë qeveritar. Është shfaqur interes i përbashkët për promovim të investimeve të huaja të drejtpërdrejta dhe tregti, si dhe ftesë për organizim të biznes forumit nga Maqedonia në Dubai nën patronatin e ministrit.