Grusht-shteti i korrikut, Turqia rikërkon arrestimin e Gylenit

Në shkresën e Ministrisë turke të Drejtësisë, Gyleni akuzohet për vrasje me dashje në mënyrë të organizuar, atentat ndaj presidentit, tentativë për shkatërrim të rregullit kushtetues, tentativë për shkatërrimin dhe pengesën e mbarëvajtjes së detyrës së Kuvendit të Madh Popullor të Turqisë, tentativë për shkatërrimin dhe pengesën e mbarëvajtjes së rregullit të Republikës së Turqisë, krijimin e një organizate terroriste të armatosur dhe udhëheqjen e kësaj organizate.

 

Ministria turke e Drejtësisë kërkon 10 deri në 15 vjet heqje lirie për Gylenin për krimin e krijimin e një organizate terroriste të armatosur dhe udhëheqjen e kësaj organizate, kurse për krimet e tjera të lartpërmendura kërkon dënimin me burg të përjetshëm.

 

Ministria e Drejtësisë rikujton pikën e 10 të marrëveshjes që është firmosur ndërmjet Turqisë dhe ShBA-ve për ekstradimin e kriminelëve.

 

Ministria e Drejtësisë edhe përpara tentativës për grusht-shtet i kishte dërguar Shteteve të Bashkuara të Amerikës katër dosje të ndryshme në lidhje me krimet e kryera nga ana e FETO-s.