Shqipëri, dita e parë e shkollës dhe protestat

Maturantët me rezultate të shkëlqyera kanë vijuar sërish protestat para kryeministrisë, pasi kanë humbur të drejtën e studimit, edhe pse mesatarja e tyre ka qenë mjaft e lartë, derisa kryeministri Rama fliste për reformat e suksesshme në arsim.

 

Paralelisht me protestën, kryeministri Rama tha se arsimi i lartë po reformohet dhe se maturantët e mirë nuk do të mbeten pa shkollë.

 

Po ashtu, dita e sotme ka qenë mjaft e rëndësishme për arsimin parauniversitar.

 

Rreth 392 mijë nxënës në të gjithë Shqipërinë janë ulur në bankat e shkollës, nga të cilët 27 mijë për herë të parë.