Shkup, edhe mbrëmë në mesnatë u ndje dridhja e tokës

Stacioni sizmologjik telemetrik në Maqedoni, me stacione në Shkup, Shtip dhe Vallandovë, Manastir, Ohër dhe Krushevë, mbrëmë në orën 1 e 32 minuta regjistroi tërmet në pjesën lindore të rajonit epiqëndror të Shkupit me magnitudë lokale të Rihterit prej 3 ballësh.

Shkupi dhe rrethina në katër ditët e fundit u godit nga një seri tërmetesh, prej të cilëve më i fuqishmi u regjistrua të dielën në orën 15:10 me magnitudë prej 5,3 ballë sipas Rihterit.

Tërmetet shkaktuan shqetësim te popullata, ndërsa ndihmë mjekësore pas tërmetit deri tani kërkuan më shumë se 100 persona.