Mister shkaqet - Libi, rrëmbehen dy shtetas italianë

Dy shtetas italianë janë rrëmbyer në jug të Libisë. Informacioni është shpërndarë nga Ministria e Jashtme italiane e cila konfirmon se “situata e rrëmbimit të tyre është mjaft delikate e po bashkëpunon me autoritetet  për zbardhjen e dinamikës së ngjarjes.”

 

Dy shtetasit italianë të rrëmbyer janë Bruno Cacace 56 vjec e Danilo Calonego 66 vjc të cilët punonin për një shoqëri italiane mirëmbajtjeje në aeroportin Chat të Libisë. Kjo shoqëri italaine operon prej 10 vitesh në Libi me aktivitet në Fushën e inxhinierisë civile e me seli qëndrore në Tripoli.

 

Qyteti i Chat, ku u rrëmbyen dhe dy shtetasit italianë ndodhen nën kontrollin e qeverisë së bashkimit kombëtar të drejtuar nga El-Serraj e gjeografikisht në kufi me Algjerinë.

 

Sipas mediave vendase së bashku me 2 italianët është rrëmbyer dhe një shtetas kanadaz. Rrëmbimi është kryer nga një grup personash me fytyrë të mbuluar në bordin e dy automjeteve të cilët kanë hapur zjarr kundër makinës së punëtorëve italianë.

 

Ende nuk dihen arsyet e këtij rrëmbimi nëse është vepër e një grupi terrorist apo kryer me qëllim përfitimi parash.

 

Ministria e Jashtme italaine fton të gjitha mediat të jenë të kujdeshëm në shpërndarjen e informacioneve pasi situata është mjaft delikate./Oranews