Stuhi tropikale në Japoni, një i zhdukur, 36 të lënduar, 700 mijë të zhvendosur

Tajfuni Malakas është shndërruar në stuhi tropikale dhe ka goditur Japoninë.

Reshjet e rrëmbyeshme kanë shkaktuar rrëshqitje të tokës dhe përmbytje në rrugën e stuhisë drejt Japonisë lindore.

Një person rezulton i humbur, ndërsa së paku 36 persona evidentohen të lënduar. Autoritetet kanë paralajmëruar më herët evakuimin e 700.000 personave nga shtëpitë e tyre. Janë anuluar 180 fluturime të brendshme.

Kogoshima është përmbytur tërësisht nga lumi aty pranë dhe niveli i ujit ka arritur në një metër.

Uji ka mbuluar edhe urën, që është e vetmja rrugë e madhe daljeje nga qyteti. Sinoptikët parashikojnë që rrëshqitjet e mundshme të tokës, përmbytjet dhe stuhitë mund të godasin edhe Tokion.