OSBE: Zgjedhjet ishin fer dhe demokratike

OSBE i ka vlerësuar fer dhe demokratike zgjedhjet presidenciale të  një dite më parë. Sipas tyre, jehona e votuesve ishte inkluzive dhe kandidatët në përgjithësi kanë manifestuar fushatë aktive.

 

Shefi i OSBE-së në Shkup, Gert Arens, pati vërejtje për sa i përket mbulimit të fushatës nga ana e mediave, sipas tij, mediat nuk kanë zhvilluar fushatë të paanshme partiake. Nderkaq, shefi i misionit mbikëqyrës nga Këshilli i Evropës, Shtefan Shenah, dënoi thirrjet për ndarje në  baza etnike gjatë  kampanjës dhe njëherit e quajti jodemokratike mosdaljen e qytetarëve në zgjedhjet presidenciale.

 

“Zgjedhjet presidenciale të 13 prillit ishin në mënyrë  efikase të  realizuara, kandidatët kanë realizuar fushatë aktive dhe regjistrimi i votuesve ishte inkluziv. Janë respektuar në  përgjithësi të  drejtat e njeriut. Megjithatë  edhe përskaj faktit se liritë themelore ishin të respektuara, mbulimi medial ishte i njëanshëm dhe moskufizimi mes aktiviteteve shtetërore dhe partiake, nuk arriti të  sigurojë  garë  të  drejtë mes kandidatëve”, deklaroi shefi i OSBE-së në Shkup, Gert Arens.

 

Nota finale e mbarëvajtjes së zgjedhjeve presidenciale do të  merret vesh pas përfundimit të rrethit të dytë të zgjedhjeve parlamentare, gjegjësisht me datën  27 prill, tha Arens, i cili me këtë  rast përshëndeti punën e Komisionit Shtetëror Zgjedhor. Sipas tij,  KSHZ-ja me sukses e ka kryer punën e vet.