Do të hulumtohet korrupsioni në nivel lokal

Qendra për hulumtim dhe krijim të politikave (QHKP) sot e fillon projektin "Këmbim i praktikave më të mira të BE-së për ndjekje të masave antikorruptuese në nivel lokal", në kuadër të së cilit do të realizohet hulumtimi LOTOS (Studim për vetëqeverisje lokale të hapur, transparente dhe të përgjegjshme), i financuar nga BE-ja.

Qëllimi kryesor i projektit është promovimi dhe nxitja e praktikave për antikorrupsion dhe qeverisje të mirë në nivel lokal që do të sigurojë mjedis të qëndrueshëm për zhvillim social, ekonomik dhe ekologjik.

Hulumtimi, i financuar nga BE-ja me 160.000 euro, do të realizohet nga ana e CIKP-së dhe gjashtë shoqata civile lokale në 43 komuna në tetë rajonet planore në Maqedoni.

Aktivitetet janë të inspiruara nga përvoja kroate në përforcimin e shoqërisë civile që të jetë ruajtës aktiv i parimeve për transparencë dhe përgjegjësi të vetëqeverisjes lokale dhe faktin se qytetarë aktivë dhe të vetëdijshëm janë bazë për një qeveri transparente dhe qeveri pa korrupsion.