Në Kuvend filloi debati për Buxhetin për vitin 2017

Në Komisionin kuvendor amë për financim dhe buxhet sot duhet të fillojë debati për Propozim buxhetin e Republikës së Maqedonisë për vitin 2017.

Të ardhurat e përgjithshme janë planifikuar prej 187,6 miliardë denarësh që është për 7,6 për qind më shumë në krahasim me vitin 2016. Shpenzimet e përgjithshme janë në nivel prej 206,22 miliardë denarësh ose për 4,5 për qind më shumë në krahasim me sivjet. Deficiti buxhetor është paraparë të arrijë 3 për qind nga BPV-ja, gjegjësisht 18,6 miliardë denarë.

Investimet kapitale janë planifikuar në 26,95 miliardë denarë.

Buxheti është punuar në bazë të projeksionit për rritje të ekonomisë prej 3 për qind, ndërsa inflacioni të mbetet në nivel prej 1 për qind. (mia.mk)