Importi i mbeturinave, nxehet debati politik në Shqipëri

Në mëngjes, Partia Demokratike depozitoi në kuvend kërkesën për mbajtjen e një referendumi, me qëllim që të jetë populli ai që të vendosë nëse Shqipëria duhet të importojë plehra apo jo.

 

Më vonë, parlamenti është ndezur me batuta e akuza mes mazhorancës dhe opozitës. Edhe këtë të enjte kryeministri, Edi Rama, u përpoq të sqarojë se nuk do të importohen plehra, por lëndë e parë për riciklim.

 

Ndërsa ironizoi se PD është e pariciklueshme. Ndërsa paraardhësi i tij, Sali Berisha, e pranoi gabimin me Ligjin e mbetjeve në vitin 2011, por tha se kishte planifikuar që gjithçka ta kishte nën kontroll nëpërmjet vendimeve të qeverisë.

 

Ndërkohë, sot është nënshkruar një memorandum mes Bashkisë së Tiranës dhe asaj të Veronës, për ndarjen e mbetjeve sipas kategorive.