Saraçini: Do të riaktivizohet miniera e Llojanit

Miniera në Llojan pritet të fillojë me punë me angazhimin e më së paku 300 punëtorëve. Investimi për hapjen e kësaj miniere është rreth 30 milionë euro.

 

“Ky investim do të thotë edhe mundësi plotësuese për përfitim për shumë kompani të vogla dhe të mesme nga rajoni i Kumanovës dhe Likovës”, tha ministri i Ekonomisë, Valon Saraçini, gjatë qëndrimit në hapësirat e kësaj miniere në komunën e Likovës, së bashku me bartësin e listës së kandidatëve për deputet të BDI, në njësinë zgjedhore numër 2, Rexhail Ismaili. 

 

Hapja e kësaj miniere për rajonin e Likovës do të jetë e një rëndësie të posaçme, pasi që Likova llogaritet ndër zonat më të pazhvilluara në vend.