Shkup, tërmet prej 3.1 shkallësh sipas Rihterit

Tërmeti ka qenë me fuqi prej 3.1 shkallë sipas Rihterit, në thellësi prej 5 kilometrash, me epiqendër në Jug-Lindje të Shkupit.

 

Tërmeti i sotëm vjen 20 ditë pas serisë së tërmeteve katërditore të 11, 12, 13 dhe 14 shtatorit, që shkaktuan shqetësim te shkupjanët, por edhe dëme materiale.

 

Tërmeti më i fuqishëm në Shkup gjatë muajit shtator ishte me intensitet 5.2 ballësh, prandaj për disa ditë shumë banorë u frikësuan të qëndrojnë në banesat e tyre shumkatëshe dhe u vendosën tek të afërmit në periferi apo në qytetet tjera të vendit dhe në Kosovë.