“Mathew” godet Haitin, alarme evakuimi në të gjithë vendin

Edhe pse Uragani “Matthew”, një stuhi e kategorisë së katërt, nuk e ka goditur ende plotësisht pjesën perëndimore të Haitit, kushtet ekstreme të motit e kanë mbërthyer tashmë ishullin.

 

Stuhia që po avancon me hapa tepër të shpejtë mund të sjellë deri në 102 cm shi dhe erëra që do të arrijnë shpejtësinë e 230 km në orë, me shumë gjasë duke shkaktuar edhe rrëshqitje dheu.

 

Që në mëngjes është raportuar një i vdekur. Bëhet fjalë për një peshkatar që u mbyt në detin e trazuar si pasojë e stuhisë.

 

Autoritetet u kanë bërë thirrje njerëzve të grumbullojnë rezerva ushqimore dhe uji e të sigurojnë banesat e tyre. Mijëra vetë po jetojnë ende në tenda pas tërmetit katastrofik të vitit 2010.

 

Autoritetet kërkuan evakuimin e rreth 150 mijë personave, shtëpitë e të cilëve kërcënohen nga përmbytjet. 1300 vendstrehime të përkohshme janë ndërtuar për të përballuar emergjencën dhe të dyja aeroportet e vendit janë mbyllur. ]