Studentët e UKM-së në referendum, përcaktohet fati i Plenumit studentor

Plenumi studentor mbajti referendumin në 20 fakultete të Universitetit “Shën Kirili dhe Metodi” për të përcaktuar fatin e Parlamentit studentor.

Sipas organizatorëve, pjesëmarrja e studentëve në votim ishte e lartë, ndërsa votimi u zhvillua në atmosferë të qetë dhe demokratike. Plenumi kërkon pjesëmarrje në organizimin e universitetit, pasi vlerëson se kështu do të arrihej kontroll më i madh dhe do të kishte më shumë mekanizma mbrojtës të fakulteteve.

“Po, e dhamë votën tonë bashkë me shokun nga fakulteti tjetër, dhe presim, shpresojmë se do të kemi rezultat pozitiv, por e kemi parasysh se mundet që mos të dalë asgjë nga kjo”,- deklaroi një student.

“Jam pesimist për arsye se nuk pres shumë, duke e pasur parasysh situatën, por do të ishte e mirë që vet fakulteti të rregullojë gjithë këtë që po ndodhë, e jo të rregullojnë anëtarë të cilët janë jashtë fakultetit”,- theksoi një student.

“Shpresoj se senatorët do ta njohin vullnetin e studentëve. Mbetet në përgjegjësinë e tyre morale nëse do të qëndrojnë pas studentëve apo pas ndonjë organizate joqeveritare”,- tha Borjan Eftimov nga Plenumi studentor.

Referendumi nuk u realizua në tre fakultete, atë të Veterinarisë, Bujqësisë dhe Edukatës Fizike. (Gyltene Sinani, TVM2)