LSDM mbajti tubim në Gjorçe Petrov

Më 27 prill të dalim dhe të votojmë, kemi obligim ndaj vetes, ndaj fëmijëve tanë dhe ndaj vendit tonë, porositi në takim me qytetarët e Gjorçe Petrovit, kryetari i LSDM-së, Zoran Zaev. Ai u theksoi qytetarëve se bashkë mund të luftojnë për ndryshime.

Zaev  në takim me qytetarët e kësaj ane tha se lufta për vota është fillim i fitores dhe se për të treguar vullnetin tuaj duhet që të tregoheni në kutitë e votimit, për të ndryshuar këtë Maqedoninë dhe mos të mbetet  Maqedonia në këtë regjim.

“Ne jemi qytetarë të këtij vendi, ky është vendi ynë, Maqedonisë i duhen ndryshime. E dimë vullnetin e popullit. Populli dëshiron ndryshime. Të mos i lejojmë pushtetit të luaj, siç e bën në të gjitha zgjedhjet, në qeverisjen tetëvjeçare. Të luftojmë kundër varfërisë, e cila e ka kapluar çdo shtëpi dhe t'i mbajmë fëmijët në vend”, deklaroi kryetari i LSDM-së, Zoran Zaev.

Ndërsa kandidati për president nga radhët e LSDM-së, Stevo Pendarovski, falënderoi të gjithë ata që kanë votuar për atë, si dhe kërkoi nga qytetarët e Gjorçe Petrovit që në rrethin e dytë t’i dyfishojnë votat, si ato presidenciale edhe ato parlamentare. 

“Ju faleminderit të gjithëve për 320 mijë vota nga rrethi i parë. Pres masovikisht që numri i votave të zmadhohet, që më 27 prill ta dyfishojmë këtë numër. Ne besojmë në konceptim tonë dhe do të vazhdojmë të luftojmë deri në fund. Qytetarët besojnë në konceptin e LSDM-së dhe për atë të dalim të votojnë, që të mos lejojmë që të falsifikohet vullneti i qytetarëve”, - u shpreh kandidati për president nga LSDM, Stevo Pendarovski.

Lideri i partisë së LSDM-së, Zoran Zaev, si dhe kandidati për president, Stevo Pendarovski, gjithashtu kanë bërë takime edhe në shtabet zgjedhore, si në Komunën e Kisela Vodës edhe në atë të Aerodromit.

Para të pranishmëve lideri i partisë, Zoran Zaev, theksoi se kanë qëllime të sinqerta se kandidati për president  nga radhët e  LSDM-së, Stevo Pendarovski, garon me qasje të ndershme dhe do të jetë president i të gjithë qytetarëve të Republikës së  Maqedonisë. Njëherit  Zaev tha se më e rëndësishme është që qytetarët të dalin masovikisht në votimet e 27 prillit dhe të votojnë kundër oponentit të tyre politik, VMRO-DPMNE-së. (Rejhane Bushi-Metaj, TVM2)