“Dita e ashures”, manifestim tradicional në Çarshinë e Shkupit

Ky aktivitet, përveç karakterit kulturor, ka edhe dimension historik, fetar dhe humanitar. Dita e Ashures është dita e dhjetë e muajit Muharem.

 

“Dita e Ashures është dita e sakrificës, e solidaritetit, humanitetit, bamirësisë, dita e paqes, mirëqenies, besimit, si dhe dita e bashkëjetesës në forma të ndryshme, duke respektuar vlerat dhe karakteristikat e një vendi. Ashurja edhe si ëmbëlsirë edhe si manifestim reflekton Maqedonisë multietnike, multikulturore, multikonfesionale, pasi në këtë ëmbëlsirë, në këtë haje kemi elemente të ndryshme që atë e bëjnë shumë më të mirë, shumë më të bukur shumë më të shijshme”,- tha kryetari i OH “El Hilal”, Behixhudin Shehapi.

 

Manifestimi organizohet nga ana e Organizatës humanitare “El Hilal” në bashkëpunim me Organizatën “Ensar”.

 

Mbështetje për këtë aktivitet kanë dhënë edhe qyteti i Bursës në bashkëpunim me komunën e Çairit.

 

Në kuadër të aktivitetit “Dita e Ashures”, kjo ëmbëlsirë është paraparë të shpërndahet për rreth 3 mijë qytetarë në Çarshinë e Vjetër, lagjen e Çairit dhe në komunën e Sarajit.