Rajonet e përfshira nga vërshimet; Misajllovski: 10 milionë euro për infrastrukturë

Prej tyre, tre milionë janë nga Buxheti i Republikës së Maqedonis, 2,5 milionë nga Buxheti i Qytetit të Shkupit, ndërsa 500 mijë euro ka ndar komuna e Gazi Babës.

 

Ministri i Transportit dhe Lidhjeve Vllado Misajlovski, gjatë përurimit të fillimit të rikonstruksionit të rrugës "Alija Avdoviq" në lagjen Hasanbeg, theksoi se gjithsej 10 milionë euro do të investohen për përmirësimin e infrastrukturës në vedet e përfshira nga vërshimet.

 

"Si Qeveri punuam me përkushtim që t'i përmirësojmë të gjitha kushtet në rajonet e vërshuara dhe për atë kemi bërë disa hapa të mëdha. Para se gjithash, siguruam tre milionë euro shtesë drejtëpërsëdrejti nga Qeveria përmes Ndërmarrjes Publike për Rrugë Shtetërore për përmirësimin e rrjetit rrugor, ndërsa njëherit edhe e ndryshuam Ligjin që të mundet "Rrugët e Maqedonisë" në mënyrë të drejtëpërdrejt të përfshihet në ndërtimin e të gjitha rrugëve lokale në vendet e prekura nga vërshimet", ka deklaruar Misajllovski.

 

Për rikonstruimin e rrugës "Alija Avdoviq" Qyteti i Shkupit ka ndarë tetë milionë denarë. Me ato mjete, do të rinkontruohet rruga nga udhëkryqi te stacioni i fundit "45"  deri te kanali në Hasanbeg, në gjatësi prej 550 metra.