Gara per Shtepine e Bardhe - Melania mbron: Trump, një xhentëllmen

Bashkëshortja e kandidatit presidencial Donald Trump, Melania, është prononcuar për herë të parë në lidhje me skandalin e publikuar në lidhje me miliarderin njujorkez, duke u shprehur se gratë që pretendojnë se janë ngacmuar seksualisht nga bashkëshorti i saj po thonë gënjeshtra.

 

Ish-modelja 46-vjeçare komentoi edhe në lidhje me videon e regjistruar në vitin 2005, ku Trump përdorte një gjuhë seksiste ndaj grave, duke u shprehur se bëhet fjalë për një moment dobësie.

Melania shkoi edhe më tej duke thënë se në të vërtetë Donald është një xhentëllmen.

 

‘Nga perspektiva e një gruaje, cilat ishin mendimet e tua kur dëgjove ato regjistrime?, ishte pyetja e moderatores, të cilës Melania i’u përgjigj: “ky nuk është burri që ajo njeh”.

 

Fillimisht për Trump u publikua një video-skandal i xhiruar në prapaskenën e një reality shoë, e më pas dy gra u prononcuan për mediat amerikane ku pretendonin se ishin ngacmuar seksualisht nga miliarderi.

 

Këto ngjarje e kanë dëmtuar ndjeshëm fushatën e republikanit dhe kjo është pasqyruar edhe në sondazhet e realizuara së fundmi.

 

Shumë përfaqësues të lartë të partisë në të cilën ai bën pjesë, përfshirë kryetarin e dhomës së përfaqësuesve në kongresin amerikan, Paul Ryan, kanë deklaruar se nuk do të vijojnë t’a mbështesin miliarderin.

 

Megjithatë, në fjalën e tij, Trump është shprehur i vendosur për të mos u tërhequr nga gara, ndërkohë që ka mohuar vërtetësinë e dëshmive të dhëna nga dy gratë që pretendojnë se janë ngacmuar seksualisht nga ai./Oranews