Tërmet 6.6 ballë në Japoni, 10 të lënduar, 40 mijë shtëpi pa energji

Edhe pse shumë i fuqishëm, tërmeti ka rrënuar vetëm një ndërtesë. 

 

Tërmeti është regjistruar në orën 14:10, sipas kohës lokale, në qendrën e prefekturës perëndimore, Totori, në thellësi prej 10 kilometra. 

 

Pas tij janë regjistruar dhjetëra dridhje të njëpasnjëshme deri në pesë ballë. 

 

Aeroporti në prefekturën fqinje, Okamaja, është i mbyllur dhe përkohësisht ishin ndalur trenat e shpejtë, si dhe një pjesë e autostradave. 

 

Rreth 40 mijë amvisëri mbetën disa orë pa energji elektrike. 

 

Qeveria e Japonisë ka formuar shtab të krizave pas tërmetit. 

 

Në ditët në vijim janë të mundshme tërmete të tjera të fuqishme, alarmojnë ekspertët.