Nishani dekoron 67 ballist të vrarë nga partizanët

Në Divjakë të Lushnjes, Presidenti Bujar Nishani ka dekoruar 67 ballistë të vrarë, gjatë përplasjes së armatosur me brigadat partizane, nën drejtimin e Mehmet Shehut.

73 vjet më pare, në 21 Tetor të vitit 1943, në Matjan të Lushnjes, në radhët e ballistëve, mbetën 67 të vrarë, të cilët presidenti Nishani I ka dekoruar me titullin “MARTIRË TË DEMOKRACISË”.

Por ky vendim nuk u ka pëlqyer veteranëve të cilët kishin luftuar në rradhët e partizanëve dhe vazhdojnë të pretendojnë se ballistët ishin bashkëpunëtorë të fashistëve. Por historianët janë të ndarë në vlerësime, dhe disa prej tyre lëvizjen balliste e vlerësojnë si lëvizje nacionaliste, që pretendonte bashkimin e trojeve shqiptare, që kundërshtohej nga partizanët jugosllav.