Haiti, arratisen 174 të burgosur

174 të burgosur kanë arritur të arratisën nga një burg në Haiti, ndërsa policia është vënë në kërkim të tyre.

Arratisja e të burgosurve ndodhi pas një proteste gjatë së cilës një roje e burgut u vra. Thyerja e burgut ndodhi në një ndërtesë në Arcahaie, raportoi zëdhënësi i policisë në Haiti, Garry Derosiers.

Bëhet e ditur që kryengritja ishte organizuar nga persona rëndë të armatosur. Sipas policisë, rojet e burgut u sulmuan në pjesën e burgut ku ishte planifikuar larja për të gjithë të burgosurit.

Në përleshje është vrarë një roje, ndërsa disa të tjerë u plagosën.