Maltë, përplaset avioni, pesë të vdekur

Të paktën pesë persona kanë vdekur kur një avion u përplas në Maltë rreth orës 7.20 të mëngjesit, menjëherë pasi u nis nga Aeroporti Ndërkombëtar. 

 

Në fillim u raportua se avioni mbante zyrtarë të BE-së nga Agjencia Bregdetare e Mbrojtjes, Frontex, por nga kjo agjenci thonë se avioni i përplasur në Maltë nuk ishte i dërguar nga ata. 

 

Sipas dëshmitarëve okularë, avioni sapo u ngrit anoi nga e djathta dhe u rrëzua menjëherë.

 

“Avioni shpërtheu para syve tanë. Ishte e frikshme, për më tepër se nuk e dinim se çfarë po ndodhte. Na thanë të presim këtu që të vërtetojnë fillimisht se çfarë ndodhi. Se dimë kur mund të vazhdojmë udhëtimin tonë”,- deklaroi dëshmitari okular, Ed De Gaetano.

 

Pamjet e filmuara nga një tjetër avion tregojnë përfshirjen nga flakët të avionit me zyrtarët e BE-së në bord.

 

Nga kjo tragjedi nuk besohet të ketë të mbijetuar dhe konsiderohet si aksidenti më i keq ajror i ndodhur në Maltë. 

 

Zyrtarët thanë se avioni po drejtohej për në qytetin Misrata në Libri dhe nuk ka një konfirmim të menjëhershëm të kombësisë së viktimave.