KShZ: Për zgjedhjet e dhjetorit deri tani janë paraqitur 540 qytetarë nga jashtë

540 qytetarë të Maqedonisë, që gjenden me punë apo qëndrim të përkohshëm jashtë vendit, janë paraqitur deri tani në ueb faqen e Komisionit Shtetëror të Zgjedhjeve për të votuar në zgjedhjet e 11 dhjetorit.

Siç njoftojnë nga KShZ, 217 paraqitje janë pranuar, 19 janë refuzuar dhe 340 paraqitje të tjera janë në fazë shqyrtimi. Komisioni Shtetëror i Zgjedhjeve fton të gjithë qytetarët e Republikës së Maqedonisë, që janë me qëndrim apo punë të përkohshme jashtë vendit, që të paraqiten për të votuar në zgjedhjet e parakohshme parlamentare.

Paraqitja mund të bëhet përmes aplikimit elektronik në ueb faqen zyrtare të Komisionit Shtetëror Zgjedhor: diaspora.sec.mk, gjithashtu paraqitja mund të bëhet edhe në të gjitha përfaqësitë diplomatike apo konsullore të Maqedonisë dhe do të zgjasë deri më datën 11 nëntor.