Ligjërata në Klinikën kardiokirurgjike për edukimin e studentëve dhe specializantëve

Në Klinikën shtetërore të kardiokirurgjisë në Shkup gjatë këtyre dy ditëve do të mbahen ligjërata, me të cilat synohet edukimi i lartë profesionist i studentëve dhe specializantëve nga fusha e kardiokirurgjisë.

 

Ligjëratat mbahen nga themeluesit e kardiokirurgjisë europiane dhe italiane, nga profesori, Antonio Maria Kalafiore, dhe kardiokirurgu nga Universiteti i njohur i Romës "La Sapienca", Antonio Marulo. 

 

“Kardiokirurgjia  po zhvillohet shumë mirë, mund të them se të  gjithë spektrin e operacioneve kardiokirurgjike të të rriturve e punojmë. Deri më tani kemi pasur 446 operacione, prej të cilave më shumë se 350 janë kardiokirurgjike që janë zhvilluar me sukses”,- tha kardiokirurgu, Sasho Jovev.

 

“Mendoj se për çdo shtet është e rëndësishme të ketë kardiokirurgji publike, jo vetëm për atë se kardiokirurgjia publike është e hapur për të gjithë edhe pse është e financuar nga buxheti. Rastet më të komplikuara zgjidhen pikërisht në kardiokirurgjitë publike, çdoherë duhet të jetë efikase dhe e mirëmbajtur”,- tha profesori, Antonio Maria-Kalafiore.

 

“Kjo  që e shohim këtu është qasja më e mirë për bashkimin e klinikës dhe programit universitar. Klinika universitare duhet të jetë e obligueshme për inovacione dhe shpikje për raste të rënda. Nuk duhet që në mënyrë rutinore të mirëmbahet puna standard e klinikës së kirurgjisë. Janë bërë ndryshime, por shpresojmë që kjo të vazhdojë në kontinuitet”,- theksoi kardiokirurgu nga Universiteti i njohur i Romës "La Sapienca", Antonio Marulo.

 

Ligjëratat janë rezultat i bashkëpunimit të vazhdueshëm mes Klinikës universitare për kardiokirurgji shtetërore, Fakultetit të Mjekësisë - Shkup dhe Ministrisë së Shëndetësisë në Maqedonisë.