Tërmeti në Itali, 100 lëkundje të reja gjatë natës

100 lëkundje sizmike janë regjistruar gjatë natës me magnitudë minimale 2 ballë në zonat e Markes dhe Umbrias.

 

11 prej këtyre lëkundjeve kanë pasur një magnitudë nga 3 deri në 3.5 ballë, kurse më e forta me magnitudë 4.13 ballë u shënua ne epiqendrën Fiordimonte, 10 km nga  epiqendra e tërmetit të dy ditëve më parë.

 

Fatmirësisht nuk ka pasur shembje të tjera të banesave dhe as viktima.

 

Sakaq banorët, të terrorizuar nga tërmetet e shpeshtë, po kalojnë netët  në qendrat provizore të ngritura nga autoritet si pallate sporti, apo në rastin më të keq edhe në tenda jashtë.

 

Sfida qëndron pikërisht në këtë pikë, strehimi afatgjatë i banorëve.

 

Shumë shkolla do të qëndrojnë të mbyllua deri më 31 tetor për t’iu nënshkruar verifikimit të inspektimeve. 40 milionë euro janë ndarë  për zonat e prekura. 

 

Italia qendrore, veçanërisht Amatrice, ende po i vuan pasojat e tërmetit të 24 gushtit, i cili shkaktoi 300 viktima dhe la mijëra të pastrehë.