Shqipëri, Basha: Po shfrytëzohen gratë dhe fëmijët për kultivimin e kanabisit

Ky është denoncimi që bëri lideri i opozitës, Lulzim Basha, para qytetarëve të Burrelit. Basha tha se e gjithë kjo bëhet nën mbrojtjen e policisë, e cila ndan me trafikantët paratë e krimit.

 

Kjo gjendje, theksoi kryetari i Partisë Demokratike, është pasojë direkte e inkriminimit të shtetit nëpërmjet kriminelëve që futi në parlament.

 

Në fund të takimit, Basha tha se Rama s’ka asnjë bilanc në këtë fundmandat, prandaj shpreson që me paratë e drogës dhe shantazhin e krimit të grabisë votat e qytetarëve.

 

Sipas statistikave zyrtare të policisë, vetëm gjatë muajit tetor janë sekuestruar mbi 20 ton drogë në Shqipëri.