Amerikanët zgjedhin sot presidentin e tyre të 45

Pas një fushate të filluar një vit më parë, në Shtetet e Bashkuara të Amerikës sot mbahen zgjedhjet presidenciale në cilat të drejtë vote kanë 230 milionë votues të regjistruar që do të zgjedhin pasardhësin e presidentit, Barack Obama.

 

Amerikanët të martën zgjedhin presidentin e 45 të tyre, si dhe nënpresidentin e 48, ndërkohë që për postin e presidentit garojnë demokratja, Hillary Clinton, republikani, Donald Trump, liberali, Gary Johnson, dhe përfaqësuesi i të Gjelbërve, Jill Stein.

 

Në bazë të sondazheve të fundit, kandidatja demokrate, Hilary Clinton, mund të fitojë garën dhe njëkohësisht të bëhet presidentja e parë femër në ShBA. Sondazhi i realizuar nga “Selzer&Co” i jep Clintonit një avantazh prej 3 për qind kundrejt rivalit të saj Trump.

 

Paralelisht me zgjedhjet presidenciale, amerikanët sot do të zgjedhin edhe guvernatorët në disa shtete të caktuara. Në votimin e hershëm, i cili u realizua ditë më parë në ShBA, votuan rreth 40 milionë amerikanë.

 

 

Paralelisht do të mbajnë zgjedhje edhe përfaqësuesit e Dhomës së Kongresit të ShBA-ve, që numëron 435 ulëse, ndërkohë që do të votohet edhe për 34 senatorë.