“Grupi i Kumanovës”, vazhdon seanca me dyer të mbyllura

Seanca zhvillohet nën masa të rrepta të sigurisë, me prani të madhe të forcave policore. Të burgosurit janë sjellë nga qyteti i Ohrit, ku janë transferuar tash e disa ditë.

 

Nga seanca e djeshme nuk bëhet e ditur asgjë konkrete se çfarë thuhet apo kush dëshmon. Seancat në vazhdim, të caktuara për këtë muaj, do të jenë të mbyllura për opinionin, pasi që do të prezantohen transkripta dhe raporte të masave të posaçme hetuese të DSK-së. 

 

Përndryshe, gjyqi për 29 të dyshuarit ka filluar në shkurt të këtij viti. Në luftimet në Kumanovë u vranë tetë policë të njësisë speciale, ndërkaq u lënduan 37 të tjerë, kurse nga grupi u vranë 10 persona.