Amerika zgjedh presidentin, sytë e botës tek votat e 538 votuesve të mëdhenj

Ky numër përbëhet nga 435 kongresmenë, plus 100 senatorët dhe tre përfaqësuesit e distriktit të Kolumbias. Gara për Shtëpinë e Bardhë fillon me betejat brenda partive për zgjedhjen e kandidatëve demokratë e republikanë, por mund të marrin pjesë edhe kandidatë të pavarur që arrijnë të sigurojnë firmat e nevojshme.

 

Në korrik mbahen konventat e dy partive, ku shpallet kandidati fitues. Numri minimal për të siguruar biletën për në Shtëpinë e Bardhë është 270 vota. Zgjedhjet sipas ligjit zhvillohen të martën e parë të muajit nëntor, datë kjo që varion në vite të ndryshme mes datave 2-8 nëntor. Në 9 dhjetor voton Kolegji Elektoral dhe në 20 janar presidenti i ri i Shteteve të Bashkuara të Amerikës merr zyrtarisht detyrën. 

 

Presidenti i parë i zgjedhur në 1789 ishte George Uashington. I 44 i zgjedhur në 2008 dhe i fundit i  konfirmuar në 2012 është Barack Obama.