Dimitriev: Pas zgjedhjeve i rikthehemi agjendës europiane

Euroambasadori Zhbogar ia dorëzoi raportin e progresit dje pasdite edhe kryeministrit Dimitriev, i cili vlerëson se vërejtjet e Brukselit janë shumë të rëndësishme dhe do të merren parasysh nga institucionet e vendit pas zgjedhjeve.

Anëtarësimi i Maqedonisë në BE mbetet prioritet i lartë  për vendin, në të cilin do të fokusohemi në periudhën e ardhshme. Vërejtjet dhe këshillat i konsiderojmë si udhërrëfyes i ri për aktivitetet që duhet t’i ndërmarrim.

Me mbajtjen e zgjedhjeve dhe formimin e Qeverisë politike, agjenda e BE-së përsëri do jetë prioriteti më i lartë për vendin, ka deklaruar Dimitriev. Euroambasadori Zhbogar edhe një herë ripërsëriti se Raporti i KE-së është i sinqertë, ashtu siç duhet të jenë raportet mes miqve.

“Shumë rekomandime të raportit mund të shfrytëzohen nga institucionet gjatë diskutimeve dhe elaborimeve të reformave që Brukseli pret nga ju pas zgjedhjeve”,- tha  Zhbogar.