Ademi: raporti korrekt, real dhe objektiv

Për zëvendëskryeministrin për çështje evropiane, Arbër Ademi, ky aspekt duhet të vlerësohet shumë pozitivisht.

 

Për Ademin raporti është real, objektiv dhe i pritshëm dhe tashmë po shqyrtohet me kujdes. 

 

“Sekretariati për Çështje Evropiane ka përgatitur analizë, e cila është dërguar deri te të gjitha institucionet, e që do të shqyrtohet edhe nga ana e Qeverisë. Ky rekomandim është konfirmim për perspektivën evropiane të Maqedonisë. Fokusi ynë është që ta respektojmë Marrëveshjen e Përzhinës, plotësimin e prioriteteve urgjente reformuese dhe të gjitha obligimet e tjera të cilat rrjedhin nga ai. Kjo është mënyra e vetme që të afrohemi ndaj anëtarësimit tonë në BE”,- deklaroi zëvendëskryeministri për çështje europiane, Arbër Ademi.

 

Sipas tij, raporti përmban rekomandime të rëndësishme për sferat të cilat janë të përfshira për prioritetet urgjente reformuese.