Zënkë në Gjykatën Themelore, filloi me fjalë, përfundoi në dhunë fizike

Gjykata Themelore konfirmon edhe zyrtarisht atë që ndodhi dje mes dy të punësuarve të cilët zënkën verbale e përfunduan me sulm fizik.

Nga Gjykata deklarojnë se në hapësirat e Gjykatës Penale, G. S., udhëheqës i departamentit për resurse njerëzore, fizikisht ka sulmuar zëdhënësen P. K. në prani të gjykatësit nga Departamenti për procedurë paraprake.

Fillimisht e ka kërcënuar verbalisht, më pas e ka sulmuar edhe fizikisht, duke e rrëzuar nga karrigia dhe pas kësaj është larguar nga vendi i ngjarjes.

Por, zëdhënësja P. K. nuk e ka lënë me kaq, por menjëherë e ka lajmëruar MPB-në dhe tashmë me të po merren inspektorët për krime të dhunshme.

Kundër sulmuesit është paraqitur padi penale për “rrezikimin e sigurisë”, e cila më tej duhet të procesuohet nga organet kompetente.