Goditet një spital në Alepo, së paku 32 të vrarë

Shoqata e Mjekëve të Pavarur, e cila mbështet disa objekte në Siri, tha se Spitali i Fëmijëve Bajan është dëmtuar keq. 

 

Aktivistët thanë se së paku 32 njerëz, në mesin e tyre edhe fëmijë, janë vrarë në Alepo gjatë dy ditëve të fundit. 

 

Sulmet ajrore kanë rinisur të martën, pas një pauze trejavore të shpallur nga aleatja e Qeverisë siriane, Rusia. 

 

Alepo, dikur qendër komerciale dhe industriale e Sirisë, është e ndarë në dy pjesë qysh në vitin 2012, pjesa perëndimore kontrollohet nga forcat qeveritare, ndërsa ajo lindore nga rebelët që luftojnë regjimin.