Katër komuna pranuan dokumentacion teknik, projekt infrastrukturor për zhvillim të turizmit

Katër kryetarët e komunave të Çashkës, Debarcës, Likovës dhe Bogovinës kanë pranuar dokumentacion teknik për projekte infrastrukturore për zhvillim të turizmit rural nga Ministria e Vetëqeverisjes Lokale dhe UNDP-ja.

 

Ministra e Vetëqeverisjes Lokale dhe UNDP janë përgjigjur në nevojat e këtyre komunave, në suaza të një projekti më të gjerë për nxitjen e zhvillimit dhe turizmit rural në rajonin malor verilindor, Vardarit jugperëndimor dhe Pollogut. 

 

“Ministria e Pushtetit Vendor dhe UNDP, kemi ndarë mbi 70 mijë euro në përgatitjen e këtij dokumentacioni teknik, i cili do të ju hapë rrugë komunave rurale që të aplikojnë nëpër fonde të ndryshme ndërkombëtare, gjegjësisht në aplikimin që e kemi me Bankën Botërore për financimin e projekteve infrastrukturore për zhvillimin e turizmit”,- deklaroi ministrja e Pushtetit Lokal, Shyrete Elezi.

 

 

Ndërsa kryetari i komunës së Bogovinës, Hazbi Idrizi, theksoi se ky projekt ka për qëllim ta zhvillojë degën e ekonomisë, posaçërisht turizmin. 

 

“Këtë dokumentacion teknik  në letër të ta zbatojmë në të ardhmen. Kjo është pjesë e decentralizimit të bashkëpunimit vendor dhe atij lokal”,- theksoi kryetari komunës së Bogovinës, Hazbi Idrizi.

 

Me këtë projekt në komunën e Bogovinës do të ndërtohen shtigje për këmbësorë në gjatësi prej 32 kilometrave dhe do të vendosen tablo turistike informative, ndërsa në afërsi të digës Glazhnja në komunën e Likovës do të ndërtohet rruga lokale drejt lokalitetit Pisha.