Shqipëri, Vetingu i pezulluar, kushtetuesja refuzon kërkesën e PS-së

Ajo ka refuzuar kërkesën e Partisë Socialiste për bërjen funksionale të saj, duke pranuar kërkesën e demokratëve dhe unionit të gjyqtarëve, që ligji të mos hyjë në fuqi për shkak se ka probleme kushtetuese.

 

“Nga momenti i marrjes së vendimit deri tani nuk ka ndryshuar asnjë rrethanë”,- tha kryetari i trupit gjykues. 

 

Seanca është ndjekur edhe nga ambasadori i ShBA-ve, Donald Lu, dhe ajo e BE-së, Romana Vlahutin. 

 

Deputeti i PS-së, Pandeli Majko, kërkoi heqjen e pezullimit të ligjit. Kuvendi ende nuk është njohur me shkaqet e pezullimit. 

 

“Jemi njohur vetëm me vendimin e jo me motivet. Pse është pezulluar ligji më i rëndësishëm i reformës në drejtësi”,- u shpreh Majko.

 

Komisioni Europian dha rekomandimin për hapjen e negociatave Shqipëri-BE, ndërsa theksi kryesor është vënë te zbatimi i reformës në drejtësi, e cila nuk mund të nisë pa Ligjin e Vetingut.